Frá Armeríku

Þá erum við komin í hamborgaralandið. Ekki átti ég nú von á því að þetta ætti við mig en hér er sko margt alveg ljómandi skemmtilegt. Veðrið og verslanirnar ekki síst. Fórum í Mekka neyslumenningarinnar, Disney Magic Kingdom, í gær. Það var bara ljómandi skemmtilegt. Ég er hálfvegis andlaus akkúrat núna en ákvað samt að setja inn nokkrar línur. Sendi fljótlega eitthvað meira þegar ég er búin að hugsa málið aðeins betur.

Nú veit ég ekki

Ég fór og keypti þessa líka edilonsfínu göngugrind handa unganum. Hún gerði vitaskuld strax mikla lukku og finnst pínkubarninu ótrúlega gaman að skrölta um húsið í þessari nýju græju. Þegar ég var að taka utan af gripnum góða rak ég augun í tvö bannmerki utan á pakkningunni. Annars vegar var mynd af göngugrind við tröppu og strik yfir, bannað að nota göngugrindina þar sem eru tröppur eða stigar, auðskilið. Ég er enn ekki búin að átta mig á því hvað hitt merkið bannar. Það minnir á umferðarmerkið sem varar við því að það sé hálka framundan, þ.e. mynd af bíl og hlykkjóttum bílförum. Í þessu tilfelli var auðvitað enginn bíll heldur göngugrind og svo þetta fína rauða bannað strik yfir allt saman. Það helsta sem mér hefur dottið í hug er að ég eigi ekki aðhleypa barninu út á göngugrindinni ef það er mikil hálka eða þá að ég megi ekki setja barnið í göngugrindina þegar það er undir áhrifum.

Hvorug kenningin þykir mér mjög líkleg.