Skellti mér aldeilis austur fyrir fjall nýliðna helgi. Blótaði þorra að fornum sið og stóð mig bara vel. Kneifaði ölið ekki minna en hver annar durgur og lagðist til svefns á sófanum hjá mömmu og pabba, huggulegt það.

Þorrablótið var eins og endranær ofurskemmtilegt og þakka ég öllum sem ég hitti skemmtunina og bið afsökunar þá sem ég hitti ekki. Fyrst ég er byrjuð þá er kannski ekki úr vegi að biðja líka afsökunar þá sem ég hitti og þakka skemmtunina þeim sem ég hitti ekki. Eða þannig.