raritet

Jólaskap

2007-11-25T20:48:00.000Z

Það er svo skrýtið að sætastur er langfyrstur á okkar heimili til að komast í jólaskap. Yfirleitt er hann á hjólunum á eftir okkur Kolfinnu til að róa okkur niður í jólalögunum og seríunum en nú er minn bara farinn að söngla jólalöginn og orðinn ægilega spenntur.

Svo er líka skrýtið...

2007-11-14T20:12:00.000Z

...hvað ég er orðin gömul. Vinsælasta hljómsveitin á Íslandi þessa dagana er án efa Sprengjuhöllin. Þegar ég var yngri, miklu yngri, skipti ég um bleyjur á einum meðlima Sprengjuhallarinnar.ÚFF!

Svona er svo skrýtið

2007-11-14T20:07:00.000Z

Mamma mín eignaðist fjögur börn á tveimur ólíkum áratugum. Þrjú á áttunda áratugnum og og eitt á þeim níunda. Ég á bara tvö börn en þau eru fædd á tveimur ólíkum öldum.

Namm

2007-11-11T20:59:00.002Z

Það eru komnar mandarínur inn á heimilið.JóÓlin JóÓlin aAstaðar.

Nýr drengur

2007-11-08T21:58:00.000Z

Steingleymdi áðan því að Kristínu og Gumma fæddist í morgun lítill drengur. Fjórtán merkur, heilbrigður og eflaust fjallmyndalegur eins og foreldrarnir.Til hamingju með þetta elskurnar!Dálítið fyndið að mér finnst Iðunn enn nýfædd en nú þegar eru í vinahópnum mínum fæddir tveir drengir sem eru yngri og þrjú börn til viðbótar eru á leiðinni.

Nýjasta æðið

2007-11-08T21:09:00.000Z

ég er algjörlega dottin í fésbókina. Er búin að hafa upp á gömlum vinum út um allar trissur, ferlega skemmtilegt.Pínkubarnið er búið að vera heima síðustu daga með kvef og augnsýkingu. Fórum með hana til læknis áðan og fengum dropa í augun. Þarf vitaskuld ekki að taka það fram að pínkubarninu þykir ekki góð hugmynd að láta klína einhverju í augun á sér og argar þess vegna hástöfum þegar það er

Innlit útlit

2007-11-06T21:28:00.000Z

Það væri alveg horfandi á Innlit útlit ef ekki væri fyrir Arnar Gauta...

Lappan mín

2007-11-06T21:15:00.000Z

Hér sit ég í stofunni minni með nýjasta fjölskyldumeðliminn, nýjasta gæludýrið, í fanginu. Sætastur fékk notaða fartölvu fyrir lítinn pening í vinnunni sinni og færði mér hana í einhvers konar fyrirfram jólagjöf. Ég efast ekki um að hún á eftir að nýtast vel. Mig hefur lengi dreymt um að eignast slíkan grip og hef ýmsar hugmyndir um að nota hana mikið. Ég endist eitthvað svo illa fyrir framan

Biflían

2007-11-05T15:31:00.000Z

Ég hef haft það fyrir sið í nokkur ár að skipta lokhljóðum út fyrir önghljóð í ákveðnum orðum. Þannig segi ég gjarnan Pefsí en ekki Pepsí og oftar er ekki Biflía í stað Biblía. Rak mig svo ekki í rogastans áðan, þar sem ég sat og fletti Orðabókinni, eins og ég geri oft og hnaut um orðið Biflía.Biflía, -u KV (oftar ritað Biblía, einnig biblía) heilög ritning kristinna manna, Gamla og Nýja

Syngjandi

2007-11-05T15:01:00.000Z

Ég vildi bara benda ykkur sem ekki vitið á, að það jafnast á við geðlyf að syngja í kór. Ég er búin að vera á leiðinni að finna mér kór til að syngja í síðustu fjögur árin og nú lét ég loks verða af því. Hélt nú að ég myndi aldrei hafa gaman að því að syngja í kvennakór en lét undan hópþrýstingi og skellti mér í Kvennakór Hafnarfjarðar. Mér finnst það bara alveg dáindis skemmtilegt. Ég, sem

Ekki veit ég

2007-10-29T11:04:00.000Z

hver andsk.... var að þessu drasli en nú kom ég loksins inn færslunni sem ég ætlaði að setja inn á fimmtudagskvöldið. Ég varð að taka út fyrirsögnina og þá var það í lagi.Url contains illegal characters......kjaftæði.....var svona nett að verða brjáluð.

Er ekki hægt að nota íslenska stafi

2007-10-29T11:00:00.000Z

í fyrirsögninni?

Er ekki

2007-10-29T10:59:00.002Z

hægt að nota íslenska stafi?

this blooooody....

2007-10-29T10:59:00.001Z

...thing doesn't work

123

2007-10-29T10:58:00.001Z

testing 123

2007-10-25T19:57:00.001Z

Árið 2004 gengu Margrét Dóra, vinkona mín, og Hjálmar, hennar maður í hjónaband. Þau hjónin völdu að fara til borgardómara og halda kirkju og prestum utan við þessa athöfn. Upp á vegg á heimili þeirra er vottorð um að þann 02.03.04 (ef ég man rétt) hafi þau gengið í hjónaband.Á kirkjuþingi í dag var ákveðið að samkynhneigðir megi enn ekki ganga í hjónaband en fengu þó gulrótina staðfest sambúð.

Afmæli

2007-10-23T13:02:00.000Z

Hann afi minn, Jón Jónsson Stefánsson, hefði orðið tíræður í dag hefði hann lifað. Við héldum upp á það með pompi og prakt um helgina. Dætrunum var komið í næturgistingu og við fórum á Lækjarbrekku ásamt föngulegum hópi. Mikið var skálað fyrir karli enda snillingur hinn mesti sem hefði þótt það viðeigandi á svona degi.Mest héldum við hjónin auðvitað uppá að vera tvö í kotinu í fyrsta skipti í 13

Hugsa sér frið

2007-10-10T14:34:00.001Z

Þessi er sérstaklega fyrir mömmu.Að hugsa himnaríkiog helvíti ekki tilaðeins jörð og himinþað er auðvelt ef ég vil.Að hugsa að allir lifðuog hrærðust hér og núHugsaðu þér hverginein landamæri lögðað drepa og deyja fyrirné deilt um trúarbrögð.Já hugsaðu þér heiminnhalda grið og frið.Mér er sagt ég sé með óraen ég er ekki einn um það.Já komdu með,við höldum hópinngerum heiminn að griðastaðAð hugsa

Tiltekt

2007-10-09T12:36:00.000Z

Var loksins aðeins að taka til í krækjunum mínum. Uppfærði bæði Lísu og Hörpu sem eru með nýjar slóðir, og snaraði inn Huldu Gunn sem er löngu tímabært. Ekki hafði ég nú fyrir því að henda út letingjunum sem aldrei blogga. Það lítur eitthvað svo illa út komandi frá mér að skammast yfir því að fólk bloggi ekki. Svo yrði veggurinn eitthvað svo allsber.

Óvitanum ratast rétt á munn

2007-10-09T12:13:00.000Z

Ekki er hann nú orðin stór orðaforði pínkubarnsins en þó eru komin nokkur orð og hljóð sem hún notar óspart. Á dögunum var ég að lesa fyrir hana þroskaritið Andheiti og lék allt saman með miklum tilþrifum án þess þó að fá mikil viðbrögð: „Hvað er andheiti við lítill.....stór, hvað er andheiti við inni.....úti, hvað er andheiti við upp.... niður“ og svo framvegis þangað til við komum að týndur. „

Snilldin ein

2007-10-05T08:22:00.000Z

Tímamótarannsóknir á "samkynhneigðarsprengju," sem gerir að verkum að óvinahermenn fyllast óviðráðanlegri kynlöngun til hvors annars, eru meðal þeirra "vísindaafreka" sem hljóta hin svonefndu Ig Nóbelsverðlaun í ár. Einnig var verðlaunuð tilraun til að lækna þotuþreytu í hömstrum með stinningarlyfi.Meira hérna.

How the mighty have fallen

2007-10-01T10:23:00.000Z

Þú veist þú ert í vondum málum þegar Kevin Federline er skárra foreldrið þitt.

Sérdeilis skemmtilegt

2007-09-25T14:26:00.000Z

Við hjónin skelltum okkur í bíó í gærkvöldi. Fyrsta skipti sem við förum tvö ein í bíó síðan pínkubarnið fæddist. Fórum að sjá Astrópíuna hans Gunna. Ég verð að vera sammála öllum gagnrýnendum sem segja hana einhverja skemmtilegustu íslensku mynd síðan Sódóma var upp á sitt besta. Verð að játa að litli nördinn minn hló miklu meira og stundum á allt öðrum stöðum en hinir í salnum því hann skildi

Stundaglas

2007-09-24T12:51:00.001Z

ég hef enn vöxt eins og stundaglas..........það er bara mjög stórt stundaglas nú orðið.

Gott ef þetta stendur bara ekki heima

2007-09-24T12:50:00.000Z

Fiskur (19. febrúar - 20. mars):Þú ert rugluð og týnd sál og hefur ekki hugmynd um hvernig þú átt að nýta hæfileika þína eða í hvaða átt þú átt að fara. Þú vilt vera alls staðar og upplifa allt. En þar sem þetta er ómögulegt, þá fer allt í vitleysu. En það gerir ekkert til, þú ert sérfræðingur í sjálfsblekkingum og því að flýja raunveruleikann.

Mikið gengið á

2007-09-19T13:13:00.000Z

Ég hef verið að leggja mig í líma við að reyna að koma hér inn orði alla síðustu viku en hef vart komið upp til að anda fyrir anríki. Pínkubarnið er orðið eins árs og því fylgdu vitaskuld tilheyrandi veisluhöld um helgina. Sykurinntaka langt yfir því sem eðlilegt gæti talist og kaffi ótæpilegt.

Svei mér

2007-09-11T15:13:00.000Z

Nú er ég að jafna mig á því antipati sem ég hafði á tölvunni og sjálfri mér. Þó einkum sjálfri mér fyrir framan tölvuna og á þessari bloggsíðu. Þannig er nefninlega að ég er búin að halda úti þessari síðu í nokkur ár og mér hefur alltaf þótt hún nokkuð skemmtileg. Jafnvel staðið í þeirri trú að ég sjálf væri á köflum nokkuð sniðug, stundum fyndin og alltaf málefnaleg. Upp á síðkastið hefur mér

Mamma

2007-06-06T10:44:00.000Z

Ég er móðir. Ég er meira að segja búin að vera móðir í rúm 10 ár og er löngu orðin vön þeim titli og finnst nákvæmlega ekkert skrýtið við það. Nýlega varð ég svo móðir í annað sinn. Sætastur sagði við mig þegar stundin nálgaðist „þú ert að verða mamma“. Ég flissaði og benti honum á að þó að pabba titillinn væri honum nýlunda væri ég nú innvígð fyrir nokkru. Nýja barnið er alveg yndislegt og mér

Flottur dagur

2007-06-05T15:11:00.000Z

í dag er fimmti júní 2007:050607 Töff dagur.Ég óska öllum sem fæðast í dag innilega til hamingju með kennitöluna.

Hraunaði

2007-06-05T14:23:00.000Z

Um síðustu helgi. Nei það var víst helgina þar áður. skellti ég mér aftur í hóp hinna lifandi og kíkti á útgáfutónleika/ball/djamm Hrauns í leikhúskjallaranum. Það minnti mig á hversu mér þykir það skemmtilegt svo að nú verður allt sett á fullt í að gera pínkubarnið passhæft svo hægt verði að kíkja út á galeiðuna endrum og eins. Að vanda tóku Hraun eightiesteiknimyndatitiillagasyrpuna (He-Man,

Skjár 1

2007-05-23T21:38:00.000Z

Ég hef yfirleitt verið tiltölulega ánægð með að hafa Skjá 1 og þótt hann ágætis (ókeypis) viðbót við sjónvarpsflóruna. Þó að ekki sé boðið upp á neitt þungavigtar menningarefni þá finnst mér afþreyingin alveg ljómandi. Þeir bjóða oft upp á skemmtilegustu (ammerísku) þættina og oft nýja og ferska. Það er hins vegar eitt sem ég er ekki ánægð með á téðum skjá og það er sú stefna þeirra að gera öllum

Í dag er fánadagur á Íslandi

2007-05-14T10:50:00.000Z

14. maí er fánadagur íslenskur og ég er ein af fáum sem veit nákvæmlega hvers vegna. Ég tek það fram að það er ekki vegna þess að sauðþrá og hálf rotin ríkisstjórnin hélt velli (ég get samt ekki ímyndað mér að framsóknarmenn bjóði þjóðinni upp á frekari setu í ríkisstjórn). Nei það er vegna þess að „fossseti“ vor Ólafur Ragnar á „ammæli“ í dag. Af því til efni ætla ég svo sannarlega ekki að óska

Heimatilbúið húsráð fyrir mig og þrjár aðrar manneskjur á landinu sem eiga ekki uppþvottavél

2007-05-14T10:18:00.000Z

Ég er ákaflega stolt af þessu húsráði, ég fann það upp alveg sjálf í eldhúsinu mínu þar sem ég stóð, hlandblaut á maganum og vaskaði upp með gamla laginu. Ég verð að venja mig á að nota svuntu. Mér hefur alltaf þótt næsta ómögulegt að ná fitu og olíu af öllu sem er úr plasti; pastasigti og öllu tupperveri en ef maður notar þvottasvamp í staðin fyrir uppþvottabursta.......ótrúlegt

Pínu fúl

2007-05-11T16:35:00.000Z

Svo virðist að Íslendingar séu alveg pikkfastir í annarideildinni í Eurovision og komast ekki upp úr henni. Hvað er til ráða. Mér finnst þetta bara verst af því að það minnkar svo vægi laugardagspatýanna þegar Ísland er úti.

Það er ekki....

2007-05-09T18:25:00.000Z

...einleikinn andskoti að reyna að vinna með þetta bloggerdrasl. Það reyndist ekki nóg að klippa færsluna hér að undan í tvennt ég þurfti að klippa kvikindið í þrennt. Hvurslags eiginlega er þetta. Er einhver sem getur bent mér á hvernig ég get lagað þennan fjanda, annars endar örugglega með því að ég gef upp öndina fyrir alvöru hér í blogglandi.

Hinir dauðu vakna I

2007-05-09T18:20:00.002Z

Eins og gera má ráð fyrir er fjölskyldan fyrir nokkru komin heim úr velheppnaðri för til Kananslands. Allir skemmtu sér alveg stórvel og stúlkurnar mínar voru alveg til fyrirmyndar. Það var hreint með ólíkindum hversu meðfærilegt pínkubarnið var í öllu umstanginu. Við versluðum hreinlega allt sem hægt var að versla. Ef einhver trúir því ekki getur hann komið í heimsókn og fengið að horfa á DVD

Hinir dauðu vakna II

2007-05-09T18:20:00.001Z

Ég hef verið komin á fremsta hlunn með að setja hér inn langhund nokkrum sinnum en aldrei komið því í verk. Að frétta er þetta helst:Kjartan: Er núna að ljúka síðustu vikunni sinni í Símanum. Á mánudaginn byrjar hann að vinna hjá Ansa og er nokkuð spenntur fyrir því . Hefur ákveðið að verða þrítugur í næsta mánuði. Væntanlega verður reynt að gera eitthvert mál úr því en það verður auglýst

Hinir dauðu vakna III

2007-05-09T18:20:00.000Z

Sjálf: Er búin að fá staðfest að ég verð með 5. bekk næsta vetur. Til stóð að ég færi jafn vel upp á elsta stigið í íslenskuna en það breyttist. Reyndar er ég mjög ánægð með það. Í mínum skóla er því nefninlega þannig farið að það er mun skemmtilegra, af ýmsum ástæðum, að kenna á miðstigi en á elsta stigi.Um helgina er þríheilagt; Eurovision, kosningar og formúla. Ekki leiðinlegur pakki það. Ég

blogger er....

2007-05-09T18:17:00.000Z

...DRASL

Frá Armeríku

2007-03-30T03:05:00.000Z

Þá erum við komin í hamborgaralandið. Ekki átti ég nú von á því að þetta ætti við mig en hér er sko margt alveg ljómandi skemmtilegt. Veðrið og verslanirnar ekki síst. Fórum í Mekka neyslumenningarinnar, Disney Magic Kingdom, í gær. Það var bara ljómandi skemmtilegt. Ég er hálfvegis andlaus akkúrat núna en ákvað samt að setja inn nokkrar línur. Sendi fljótlega eitthvað meira þegar ég er búin að

Nú veit ég ekki

2007-03-09T12:11:00.001Z

Ég fór og keypti þessa líka edilonsfínu göngugrind handa unganum. Hún gerði vitaskuld strax mikla lukku og finnst pínkubarninu ótrúlega gaman að skrölta um húsið í þessari nýju græju. Þegar ég var að taka utan af gripnum góða rak ég augun í tvö bannmerki utan á pakkningunni. Annars vegar var mynd af göngugrind við tröppu og strik yfir, bannað að nota göngugrindina þar sem eru tröppur eða stigar,

Menningar og meiningar

2007-02-26T13:32:00.000Z

Mikil ósköp hvað fjölskyldan hefur verið menningarleg upp á síðkastið. Á fimmtudaginn fórum við á setningu vetrarhátíðar og hlýddum á undurljúfa tóna eldorgelsins franska sem naut dyggrar aðstoðar Steintryggs dúettsins og Gísla Galdurs. Ég átti von á því að eldorgelið sjálft væri meira sjónarspil en raun bar vitni en þetta var dáindis skemmtilegt allt saman.Á laugardaginn var ákveðið að láta

Í pínkubarnasundi

2007-02-23T13:13:00.000Z

Iðunni Ösp finnst rosalega gaman í ungbarnsundi eða pínkubarnasundi eins og það er kallað íFæreyjum.

Mannlegi tannhringurinn

2007-02-23T13:03:00.000Z

Eins og ég sagði frá nýlega fékk ungbarnið fyrstu tönnina á dögunum. Það hefur alls ekki linað kvalirnar í gómunum því að næsta tönn er skammt undan. Þrátt fyrir að móðirin hafi vitaskuld verið að rifna úr stolti yfir þessaru pínulitla postulínsundri og gert heiðarlega tilraun til að berja hana aftur niður í gómin með teskeið af einskærri hamingju yfir þessu litla pling sem kemur þegar lamið er

Upplýsingar

2007-02-13T14:23:00.000Z

Nú bráðvantar mig að heyra í einhverjum sem hefur verið með brjóstabarn í Bandaríkjunum. Nánar tiltekið Flórída. Ég þarf nefninlega að fá að vita hvernig hinir teprulegu Bandaríkjamenn taka á brjóstagjöf á vergangi. Þætti ég dónalegasta kona í heimi ef ég vippaði út öðru brjóstinu á kaffihúsum, matsölustöðum í mollum o.s.frv., eins og ég geri jafnan hér heima, og gæfi barninu sopann sinn og ef

Veðurfræðingar ljúga I

2007-02-12T16:17:00.000Z

Hér kemur pistill sem ég er búin að reyna síðan á föstudag að koma inn á þetta bloggerdrasl. Ég neyddist að lokum til að setja hann inn í tvennu lagi. Ég er alveg við það að gefast upp á blogger og flýja á vit einhvers annars kerfis.Mikið óskaplega er ég orðin þreytt á því að fjölmiðlar leiti alltaf hreint í skoðanabanka veðurfræðingsins Haraldar Ólafssonar þegar ræða á menntamál. Þó að maðurinn

Hans í Koti

2007-02-09T23:52:00.000Z

Blogger er skítalabbi, Iðunn Ösp er komin með eina tönn og ég er farin að sofa.

Veðurfræðingar ljúga II

2007-02-09T15:35:00.001Z

Sjálf er ég þeirrar skoðunnar að veðurfræðingar vinni alls ekki fyrir laununum sínum. Þeir sjást í sjónvarpinu í u.þ.b. tvisvar sinnum tíu mínútur á hverju kvöldi og flytja einhverjar örstuttar veðurfréttir á rás eitt sem einungis bændur og sjómenn hlusta á. Þess utan ljúga veðurfræðingar oft og mikið eins og Bogomil benti á í sumar. Það er ekkert á veðurspár að treysta og ég held að ég geti

Stíbblaður nebbinn

2007-02-07T18:55:00.000Z

Nú er mín sko orðin horuð. Ekki svo að skilja að ég sé að leggja af, ég burðast enn með þessi tvö kíló sem ég bætti á mig um jólin. Nei það er nefið sem er horað. Ég er rétt nýstaðin upp úr magaælupestardruslu og þá ræðst þetta kvikindi aftan að mér. Þetta kemur vitaskuld niður á nýhafinni sundiðkun Iðunnar Aspar því við neyðumst til að skrópa í sundinu á morgun. Iðunn er ekkert lítið skotin í

Og ein tilraun í viðbót

2007-02-03T18:40:00.000Z

Ég vissi að við áttum ekki að súkkulaðihúða rúmið hennar.Og ekki Guðmund Stefán heldur.

Tilraun 2

2007-02-03T18:24:00.000Z

Ekki seinna vænna að kenna ungbarninu að meta merkjavöru.Stóra skautadrottningin mín mátar jólagjöfina sína.Það tekur hálfa aðra eilífð að setja myndir inn með þessu móti en nú ætla ég að gerast djörf og reyna að setja inn tvær myndir í einu. Sjáum hvað vinur minn new-blogger segir við svoleiðis tilraunastarfsemi.

Tilraun

2007-02-02T20:00:00.000Z

Þetta er tilraun þrjú til að setja inn myndir með vini mínum new-blogger. Mæðgurnar um jólin.

Heilbrigð skynsemi

2007-01-29T15:14:00.000Z

Með reglulegu millibili fæ ég algjört antipat á tölvunni. Þá get ég ekki með nokkru móti sest við hana, hvað þá unnið á hana eitthvað af viti. Nú er ég ný staðin upp úr slíku antipati tilbúin að blogga hartnæt daglega. Gott, gott, lofa nú dálítið upp í ermarnar. Ég bloggaði annars þennan fína langhund eftir jólin sem blogger át án þess að hiksta. Nú er ég búin að skipta yfir í new-blogger í von

Íslenskukennarinn

2006-12-23T14:48:00.000Z

Það er boðið upp á gleðilegan desember, svo gerist ekkert svo dögum og vikum skipti. Þetta er vitaskuld ekkert annað en kæruleysi.Það var mér ákaflega mikilvægt þegar ég var að nefna stelpurnar mínar að báðar hefðu tvínefni og að nöfnin færu vel saman. Það skipti mig líka máli, þar sem ég er með þeim ósköpum gerð að vilja gjarnan fallbeygja sérnöfn þar sem það á við, að nöfnin fallbeygist fallega

Gleðilegan desember

2006-12-06T12:45:00.000Z

Þá er kominn desember. Þá er komin aðventa. Þá er sætastur kominn í feðraorlof. allt er ljómandi í veröldinni. Iðunn Ösp er búin að læra alveg nýtt trix. Að arga. Ekki til að gráta eða kvarta heldur bara til að hafa hátt. Hún er rosalega ánægð með þetta nýja trix og notar það óspart.Nú standa yfir framkvæmdir á heimilinu. Gert fínt fyrir jólin. Heimilið skal í kjólinn fyrir jólin, gaman að því.

Hart í ári í henni Ameríku.

2006-11-30T14:37:00.000Z

Sú var tíðin að vinsælt tónlistarfólk í Ameríku átti til hnífs og skeiðar og vel það. Litli hörundsdökki snáðinn sem söng um litla jólatréð rakaði inn peningum og keypti sér lítinn skemmtigarð til að búa í. Öðrum gekk líka vel og voru meðal tekjuhæstu bandaríkjamanna. Nú er hins vegar af sem áður var. Sönghópurinn vinsæli Pussicat Dolls sem allir þekkja, þær áttu jú hin stórkostlega menntaða

Vel útilátið barn.

2006-11-15T14:33:00.000Z

Fór á heilsugæsluna áðan og fékk hvítan miða á Iðunni Ösp. Hún dafnar vægast sagt mjög vel, fylgir sinni kúrfu sem er sú efsta á blaðinu. Hún er svo sannarlega vel útilátin barnið og dafnar vel á rjómanum í brjóstunum hennar mömmu sinnar. Fékk einnig þá umsögn hjá hjúkkunni að hún væri frábær, ekki amalegur vitnisburður það, hún tjaldaði enda til öllu því flottasta sem hún á brosti, hjalaði og

2006-11-11T14:29:00.000Z

Sandi Thom [I wish I was a punk rocker] - with flowers in myEins og talað út úr mínu hjarta.

X kynslóðin revisited

2006-11-11T14:08:00.000Z

Þessa dagana syngur ung stúlka, Sandi Thom, hástöfum á öldum ljósvakans:I wish I was a punkrocker with flowers in my hairin 77 and 69 revolution was in the airI was born to lateinto a world that doesn't careoh I wish I was a punkrocker with flowers in my hairÞessi dillandi skemmtilegi texti minnti mig á færslu frá árdögum þessa bloggs.Færslu frá því ég var enn tuttugu og eitthvað. Úff hvað tíminn

2006-11-07T15:57:00.000Z

Mátti til með að deila þessari snilld með ykkur sem ekki lesið fangor. Hún rændi þessu enda af einhverjum öðrum. Tek það fram að þetta er til í alvörunni white wedding/christmas ekki svo mikill munur er það.

2006-11-06T15:00:00.000Z

Aftur svona sætar systur.

2006-11-06T14:59:00.000Z

Svona er stundum gaman að vera til.

Rautt?

2006-11-06T14:44:00.000Z

Fór á laugardag og sinnti borgaralegum skyldum þ.e. kaus í prófkjöri samfylkingarinnar. Þó að listinn hafi ekki raðast nákvæmlega eins og ég vildi verð ég að segja að þetta er sérlega frambærilegur listi þegar upp er staðið. Það er satt að segja ekki oft sem maður getur gengið til kosninga svona sáttur við fólkið á bak við bókstafinn. Ég held að þetta þetta lofi bara góðu í vor. Ég auglýsi hér

Conviction

2006-11-01T23:08:00.000Z

Undanfarna viku hefur gengið auglýsing á Skjá einum þar sem verið er að kynda undir fyrir komandi þátt af Conviction. Þar segir „unglingur drepst eftir að hafa tekið þátt í hættulegum leik" eða eitthvað slíkt. Er ég bara viðkvæm og gamaldags tepra eða er þetta stórkostlega óviðeigandi orðalag? Eru ekki hundrað leiðir til að segja það sama á örlítið smekklegri hátt?Á sömu sjónvarpsstöð er

Verslunarferð dauðans

2006-10-30T16:25:00.000Z

Skellti mér í Kringluna í gær ásamt sætustum og yngra afkvæminu. Verð að segja að það var einstaklega skemmtilegt að geta labbað inn í „venjulegar“ búðir og mátað og keypt það sem mig langaði í. Að þurfa ekki lengur að fara í feitubollubúðir eða feitubolludeildina í Hagkaupum. Keypti mér voðalega smart peysu í Fat Face en hef nú mestar áhyggjur af að ég gæti ánetjast þessum fjanda. Mikill vill

Í sveitasælunni.

2006-10-27T09:32:00.000Z

Krílið átti vetrarfrí í skólanum sínum svo mæðgurnar skelltu sér austur fyrir fjall í sveitasæluna hjá ömmu og afa. Kolfinnu finnst þetta frábært, skrattast í skólann með ömmu og afa og leikur allan daginn við Sigrúnu Sól vinkonu sína. Þær stöllur eru búnar að vera bestu vinkonur síðan löngu áður en uppeldisfræðingar vilja meina að börn myndi vináttusambönd. Þær byrjuðu saman á leikskóla rétt

Nokkrar myndir.

2006-10-22T22:33:00.000Z

Rétt að setja inn nokkrar myndir fyrir þá sem búa lengra í burtu og komast ekki á stórviðburði. Sætastur ætlar síðan, held ég, að setja upp myndasíðu seinna, þegar hann hefur tíma.

2006-10-22T21:38:00.001Z

Sætustu systurnar.

2006-10-22T21:38:00.000Z

Nei, ekki taka mynd af mér!

2006-10-22T21:37:00.000Z

Iðunn Ösp, nýskírð og steinsofandi.

2006-10-22T21:36:00.001Z

Fjölskyldan og skírnarvottarnir.

2006-10-22T21:36:00.000Z

Fína fjölskyldan mín.

Skemmtileg tilviljun.

2006-10-21T10:31:00.000Z

Í dag ætlar Vigfús að skíra Iðunni Ösp. Stór dagur það. Þegar ég opnaði fréttablaðið í morgun rak ég augun í að í dag muni vera fyrsti vetrardagur. Þann 24. apríl fyrir rúmum níu árum var Kolfinna Katla skírð, það var fyrsti sumardagur. Nú á ég eitt sumarbarn og eitt vetrarbarn, skemmtileg tilviljun það.

Ó þú sæli...

2006-10-20T11:03:00.000Z

...nætursvefn. Við mæðgur sváfum loksins eins og rotaðar í alla nótt. Mikið ljúft, mikið gott. Þetta kom reyndar í kjölfarið á vöku frá miðnætti til tvö í eftirmiðdag þar sem daman argaði stanslaust. klukkan tvö fékk hún svo stíl og sofnaði loksins. Við fórum með hana til læknis og hún reyndist vera með smávegis sýkingu í hálsinum. Ekkert alvarlegt ætti að jafna sig strax. Hún er líka strax

Andvökunætur II

2006-10-18T16:59:00.000Z

Fengum dásamlega dropa í apútekinu sem virðast hafa læknað magakveisurnar svona um það bil 90%. Þá er hálfur sigur unninn. Iðunn hefur nefninlega náð að snúa sólarhringnum gersamlega við í öllum látunum. Við erum sem sagt hættar að ganga um gólf en við sofum hins vegar ekki mikið. Hjúkkan kemur á morgun, vonandi kann hún einhver ráð með að snúa henni við aftur.Til stendur að skíra barnið um

Andvökunætur

2006-10-13T19:06:00.000Z

Fyrir þá sem undrast slappleika minn hér á síðunni vil ég bara biðjast afsökunar og útskýra slappleikann. Hann stafar af þeirri einföldu ástæðu að dóttir mín yngri, Iðunn Ösp, vakir helst alla nóttina með magakveisur svo mamma hennar er hálf vönkuð yfir daginn og finnur litla þörf til að tjá sig á alnetinu enda heilinn svo dofinn að hún hefur vafalaust lítið gáfulegt fram að færa. Við erum búin

Er fólki ekkert heilagt?

2006-10-05T18:10:00.000Z

Var að koma úr Nóatúni þar sem ég gekk, eins og lög gera ráð fyrir, fram hjá tímaritarekkanum. „Rak mig þá í rogastans“ þegar ég sá eina fyrirsögnina á forsíðu Vikunnar: Fallegasta barn á Íslandi samkvæmt barnaland.is. Hefur barnaland í alvöru staðið fyrir fegurðarsamkeppni ungbarna? Lákúruritstórnastefnan hjá Fróða hefur náð nýjum hæðum. Að maður tali nú ekki um lágkúruna hjá þeim sem halda úti

Allt gott.

2006-09-29T18:08:00.000Z

Þá eru liðnar tvær vikur síðan Iðunn Ösp kom í heiminn og ég öll að skríða saman. Barnið lét bíða eftir sér og var þess vegna orðið nokkuð stórt og ekki laust við að eitthvað yrði að láta undan þegar hún ruddi sér leið inn í veröldina. Ég skal ekki kvelja ykkur með smáatriðum en það þurfti talsvert að bródera móðurina sem hefur ekki getað setið við tölvuna með góðu móti fyrr en nú.Iðunn Ösp

A Good comic video found some where on Net

2006-09-21T12:22:00.000Z

A Good comic video found some where on Net

2006-09-15T20:10:00.000Z

Prinsessan Iðunn Ösp Kjartansdóttir Hearn

Plús níu

2006-09-10T18:35:00.000Z

Plús níu og svo ræðum við það ekki frekar.Það sem veldur mér hins vegar hugarangri þessa stundina er tíska komandi vetrar. Þegar þessari meðgöngu minni lýkur og ég verð komin í samt lag á ný tel ég allar líkur á því að fataskápurinn minn verði næsta tómur. Megnið af fötunum sem ég átti áður en ég varð ófrísk verður væntanlega orðið of stórt og satt best að segja var það nú ekki mikið til að byrja

Plús sex

2006-09-07T11:12:00.000Z

Plús sex og nú verður maður að taka honum stóra sínum til að viðhalda geðprýðinni. Ég ætlaði nú ekki að draga þetta svona lengi. Brjóstin á mér stækkuðu í nótt, ætli það sé góðsviti. Nú leita ég logandi ljósum að góðsvitum.

Plús fjórir

2006-09-05T15:50:00.000Z

Þá erum við komin í plús fjóra og enn er allt með kyrrum kjörum. Fór í síðustu mæðraskoðun áðan og kvaddi ljósuna mína og ljósmóðurnemann (Berglindi hans Palla sem ég er sko búin að panta ef ég ákveð að koma með eitt í viðbót) með virktum. Það var ákveðið að vera ekki að setja á mig fleiri tíma í mæðraskoðun þar sem ég á að fara í dagönn á morgun og svo aftur í skoðun upp á deild ef barnið verður

Plús þrír

2006-09-04T19:02:00.000Z

Fórum aðeins í heimsókn á fæðingardeildina í dag. Var þar mæld og skoðuð, vegin og metin og síðan send heim til að bíða áfram. Útvíkunin var ekki orðin nógu mikil til að sprengja belgina og læknunum fannst alls ekki ástæða, miðað við heilsu mína núna, að senda mig í keisara. Gangsetning með hefðbundnum hætti þykir víst ekki góð hugmynd þegar kona hefur þegar farið í keisara.Við höldum því bara

Plús einn

2006-09-02T11:42:00.000Z

40 vikur plús einn. Ekkert gerðist í nótt en við bíðum átekta. Ef ekkert gerist fyrir mánudag á ég að fara upp á deild í mónitor og mat. Ekki þó humarsúpu og hvítvín heldur á að meta hver verða næstu skref. Í ljósi fyrri sögu á ekki að taka neina sénsa svo kannski verður sett af stað eða ég send í keisara, kemur allt í ljós. Ég er voða jákvæð og hef í sjálfu sér ekki áhyggjur af neinu. Ég finn að

Fyrsti

2006-09-01T19:49:00.000Z

Þá er kominn fyrsti september, dagur núll í niðurtalningu. Komin nákvæmlega 40 vikur í dag og orðin frekar tilbúin að klára þetta. Að því verður róið öllum árum um helgina að koma þessu af stað, reglulegir göngutúrar og jafnvel hoppað upp og niður á rúminu að áeggjan móður minnar sem er orðin jafn spennt og allir aðrir.

False alarm

2006-08-24T20:56:00.000Z

Alveg vorum við hjónin við því búin að við þyrftum að stökkva upp á fæðingadeild í nótt, en það slapp fyrir horn. Þegar við vorum búin að horfa á vin vorn Magna bjarga sér fyrir horn í nótt fór ég að finna fyrir talsverðum verkjum sem mér fannst frekar ágerast en hitt. Ég fór nú samt upp í rúm og ákvað bíða og sjá og verkirnir liðu hjá smátt og smátt. Ósköp hefði nú samt verið smart ef barnið

Dokað og dokað

2006-08-22T21:18:00.000Z

Þá er maður farinn að bíða og kannski telja niður. í dag er tuttugasti og annar sem þýðir að væntanleg fæðing er eftir níu daga.Sumir halda að það verði fyrr og sumir seinna. Sjálf hef ég enga tilfinningu fyrir því hvernig þetta verður allt saman en vona nú samt að ég fari ekki mikið framyfir. Það er dálítið skrýtið að hugsa til þess að ég hef auðvitað gert þetta áður, það er bara svo langt

Þarna er hún, eins og búið var að lofa

2006-08-18T19:23:00.000Z

berfætt og vanfær.

Andleysi óléttunnar

2006-08-15T19:13:00.000Z

Nei titillinn á pistli dagsins vísar ekki í nýjasta dægurlagatextann eftir Gumma í Sálinni heldur á hann að bera vitni um hversu ég hef ekki fundið mig knúna til að segja neitt skemmtilegt hér á síðunni svo að í stað þess að segja eitthvað sem ekkert er skemmtilegt hef ég haldið mig til hlés að undanförnu. Er það ekki fyrir bestu.Ég vil nota tækifærið og benda þeim sem ekki voru á Morrissey

2006-07-29T10:27:00.000Z

Tölvan á heimilinu ákvað að nú væri heimsins besti tími til að gefa upp öndina. Þegar ég er að fara í fæðingarorlof og allir umframpeningar heimilisins fara í að kaupa það sem vantar fyrir komu nýja einstaklingsins. Við fórum nú samt í BT og fengum ágætis díl á nýrri tölvu. Ég get ekki sagt að ég sé hress með þetta en nýja tölvan er svo sem voða fín.Krílið er búið að vera lengi hjá pabba sínum

Helgin...

2006-07-23T12:21:00.000Z

... hefur verið helguð leti og engu öðru. Sætastur er kominn í sumarfrí og því hefur verið ákveðið að laugardagur og sunnudagur verði notaðir í að gera nákvæmlega ekki neitt. Eftir helgina á svo að klára tiltektina og innkaupin sem þarf að gera áður en minna/litla/nýja kríli kemur í heiminn. Sætastur notaði reyndar tækifærið í gær og fékk sér tvo bjóra enda styttist í að hann verði settur í

Rock Star

2006-07-19T12:54:00.000Z

Horfði að sjálfsögðu á Rock Star í nótt og var ánægð með okkar mann. Hef verið að skoða dálítið á netinu og svo virðist sem heimurinn sé á sama máli. Flestir setja hann í topp 3 - 4 og mörgum finnst hann jafnvel hafa verið bestur.Flestum þykja reyndar Lukas og Dilana bera af í hópnum. Verð að viðurkenna að ég kaupi það ekki alveg. Mér fannst Dilana æðisleg síðast í Ring of Fire en ég

Sætastur er alltaf sætastur.

2006-07-19T10:53:00.000Z

Sem útspil við raunum mínum í gær yfir öllu þessu tónleikahaldi fór sætastur auðvitað og keypti miða á Morrissey í stúku. Ég er þá alveg sátt við að missa af hinu en ef ég hefði misst af Morrissey hefði það verið svolítið eins og að missa af jólunum.

Ágúst framundan...

2006-07-17T15:12:00.000Z

... og Morrissey, Throwing Muses og Patty Smith á leið til landsins og ég komin á gothelluna. Vill ekki einhver taka að sér að flytja inn Hole og Tom Waits líka og krossfesta mig svo bara einhvers staðar á Valhúsahæðinni eins og í sálminum góða. Ég veit ekki alveg hvernig ég á að klóra mig út úr þessu. Tónleikamiðar eru rándýrir númer eitt og ég er, þess utan, ekki alveg í besta ástandi til að

Margt býr í pípunum

2006-07-13T13:59:00.000Z

Nú erum við búin að skrópa á tveimur ættarmótum og í einu brúðkaupi svo við erum að hugsa um að eyða þessari helgi í að skrópa á öðru ættarmóti og golfmóti. Maður fer að sjá ákveðið mynstur.Um helgina stendur annars til að leggjast í hreiðurgerð. Svefnherbergi hjónanna þarfnast dálítillar endurskoðunnar ef barnarúm á að komast þar inn. Að ég tali nú ekki um kommóðu/skiptiborð. Ósköp þykir mér nú

Af nostalgíu

2006-07-07T10:27:00.000Z

Vil benda áhugasömum á að boðið verður upp á kvikmyndina „The Last Remake of Beau Geste“ í Sjónvarpinu í kvöld. Þetta var mín eftirlætis kvikmynd á sokkabandsárunum og ekki úr vegi að endurnýja kynnin. Verst ef hún eldist ekki vel.Hún byrjar klukkan átta og er akkúrat búin þegar Rockstar brestur á.

2006-07-07T10:14:00.000Z

Ósköp var ég nú búin að standa mig vel í nokkra daga. Bloggaði oft og stundum jafnvel langt. Svo datt botninn úr þessu öllu saman og ég hef ekkert bloggað. Hef nú samt ekkert í hyggju að biðjast sérstaklega afsökunar á því.Upp er runnin helgin þar sem við hjónin eigum að vera á þremur stöðum í einu. Við erum að hugsa um að móðga alla jafn mikið og vera bara heima. Við eigum að vera á ættaróti

Að bíta hausinn af skömminni.

2006-06-28T09:53:00.000Z

Hingað til hef ég ekki séð nokkra ástæðu til að tjá mig um fyrirbæri sem heitir karlarnir.is, hvorki hér á síðunni né annars staðar. Ástæðurnar fyrir þessu eru margar númer eitt máski það að mér fannst þeir bara sem minnst koma mér við, ég hef aldrei kynnt mér þá á nokkurn einasta hátt (á interneti, í sjónvarpi eða útvarpi) og vissi þess vegna ekkert um þá annað en það sem mínir egin fordómar

Húnaver, Húnaver, Húnaver

2006-06-23T17:25:00.000Z

Tengdamóðir mín elskuleg og hennar ektamaður skelltu sér á útihátíð í Húnaveri í gær. Ég var mikið að hugsa um að skella mér með þeim og rifja upp gamlar og góðar stundir. Verst að ég á ekki von á því að ljúfir harmónikkutónar komi til með að gera það sama fyrir mig og Bootleggs og Ex gerðu á sínum tíma.